ვალენტინა კუზმიდის ტანვარჯიშის უმაღლესი სკოლა თბილისის ქართულ-ამერიკული სკოლის პარტნიორია

ზაზა ფაჩულიას კალათბურთის აკადემიისა და მზიურის კომპიუტერული სკოლის შემდეგ ჩვენი სკოლის საამაყო პარტნიორების რიცხვს შეემატა პროფესიონალთა კიდევ ერთი გუნდი – ვალენტინა კუზმიდის ტანვარჯიშის უმაღლესი სკოლა.

ჩვენს მოსწავლეებს კლუბური აქტივობის ფორმატში მხატვრულ ტანვარჯიშში კუზმიდის სკოლის პროფესიონალი მწვრთნელები კვირაში ორჯერ უფასოდ ავარჯიშებენ. გაკვეთილები ჩვენს მულტიფუნქციურ ახლადაშენებულ სპორტულ დარბაზში ჩატარდება ვალენტინა კუზმიდის უნიკალური მეთოდიკით.

ტანვარჯიში ბავშვის ფიზიკური განვითარებისთვის და მოტორიკის გასაუმჯობესებლად სპორტის ერთ-ერთი მნიშვნელოვანი სახეობაა.