სასწავლო წლის ბოლო დღე

2023-2024 სასწავლო წლის დასასრული დიდი ჟრიამულით აღვნიშნეთ. 21 ივნისს სპორტულ დარბაზში GAST-ელებმა მშობლებს სხვადასხვა სპორტული კლუბის საჩვენებელი ნომრები წარმოუდგინეს. მხატვრული ტანვარჯიშის, ტაეკვანდოსა და კალათბურთის წარმოდგენების შემდეგ მოსწავლეებმა მუსიკალური და ქორეოგრაფიული ნომრები შეასრულეს.

გასართობი ღონისძიების დასრულების შემდეგ ყველამ ეზოში გადაინაცვლა, სადაც მასწავლებლებს სხვადასხვა შემეცნებით-გასართობი კუთხე ჰქონდათ მოწყობილი. ასე მხიარულად დავემშვიდობეთ მოსწავლეებსა და მათ მშობლებს ახალ სასწავლო წლამდე.