ონლაინ საინფორმაციო შეხვედრა სკოლის ადმინისტრაციის წარმომადგენლებთან

6 აგვისტოს თბილისის ქართულ-ამერიკული სკოლის ადმინისტრაციის წარმომადგენლებმა ონლაინ ფორმატში ჩაატარეს მორიგი საინფორმაციო შეხვედრა / ღია კარის დღე სკოლაში სწავლით დაინტერესებულთათვის.

ღია კარის დღეზე ვისაუბრეთ სკოლის მიზნებსა და ღირებულებებზე, სწავლების მეთოდებზე, უსაფრთხოების საკითხებსა და ექსტრაკურიკულარულ / კლასგარეშე აქტივობებზე – გარემოზე, რომელსაც ვქმნით იმისთვის, რომ ჩვენი აღსაზრდელებისთვის სკოლაში მოსვლა სიხარულთან და საკუთარი თავის, ინტერესების აღმოჩენასთან იყოს ასოცირებული.

ონლაინ პრეზენტაციაზე სკოლასთან დაკავშირებულ საკითხებზე ისაუბრეს და  დამსწრეთა კითხვებს პასუხები გასცეს:

• სკოლის დირექტორმა, ირაკლი მანელიძემ ;

• სკოლის დირექტორის მოადგილემ, მაია კუბეტოვამ; 

• დაწყებითი კათედრის ხელმძღვანელმა, მზია დოლიძემ; 

• კლუბებისა და კლასგარეშე აქტივობების მენეჯერმა, თემურ ხუდავერდოვმა; 

ღია კარის დღეზე ასევე ვისაუბრეთ მნიშვნელოვან კოლაბორაციაზე, რომელიც თბილისის ქართულ-ამერიკულ სკოლასა და ზაზა ფაჩულიას კალათბურთის აკადემიას შორის შედგა.

ოქტომბრიდან თბილისის ქართულ-ამერიკული სკოლის კამპუსში ზაზა ფაჩულიას კალათბურთის აკადემიის ახალი ფილიალი გაიხსნება. აღსანიშნავია, რომ თბილისის ქართულ-ამერიკული სკოლის მოსწავლეებისთვის, საკლუბო აქტივობების ფორმატში, აკადემიაში სწავლა დამატებით ხარჯებთან დაკავშირებული არ იქნება.

ზაზა ფაჩულიას კალათბურთი აკადემიის ახალ ფილიალთან დაკავშირებით დაინტერესებულ საზოგადოებას ამომწურავი ინფორმაცია მიაწოდე აკადემიის წარმომადგენლებმა – აკადემიის სპორტულმა დირექტორმა, ნიკა ნიბლაძემ და მარკეტინგისა და კომუნიკაციების მენეჯერმა, სალომე ასლანიკაშვილმა.

საინფორმაციო შეხვედრის სრული ჩანაწერი