ელექტრონული ჟურნალი 
მემორანდუმი საქართველოს ახალგაზრდა დიპლომატებთან
GAST-ში მუდმივად ვზრუნავთ ჩვენი მოსწავლეების განვითარებასა და შესაძლებლობების გაზრდაზე. ამ მიზნით ,,საქართველოს ახალგაზრდა დიპლომატებთან” თანამშრომლობის მემორანდუმი გაფორმდა შემდეგ სფეროებში:
- საგანმანათლებლო ღონისძიებები – ტრენინგების, სემინარების, მოდელირებული დებატებისა და საერთაშორისო ფორუმების ორგანიზება საქართელოში და მის ფარგლებს გარეთ;
- საერთაშორისო გაცვლითი პროგრამები – მოსწავლეთა ჩართვა საერთაშორისო პროექტებში ისეთ ორგანიზაციებში, როგორიცაა გაერო, ევროპის საბჭო და სხვა გავლენიანი ინსტიტუციები საზღვარგარეთ;
- საინფორმაციო და კულტურული პროექტები – ერთობლივი კულტურულ-საგანმანათლებლო ინიციატივების განხორციელება;
- მასწავლებელთა და მოსწავლეთა მხარდაჭერა – საგანმანათლებლო რესურსების, გამოცდილებისა და საუკეთესო პრაქტიკის გაზიარება;
- საერთაშორისო კონფერენციებში მონაწილეობის ხელშეწყობა – გაეროს, ევროკავშირის და სხვა დიპლომატიური პლატფორმების ახალგაზრდული მოდელები;
თანამშრომლობის ფარგლებში 7-8 თებერვალს გაეროს რიგით მე-17 მოდელირებულ კონფერენციას თბილისის ქართულ-ამერიკული სკოლა უმასპინძლებს. ჩვენი სკოლის მოსწავლეები ექსკლუზიურად 50%-იანი ფასდაკლებით ისარგებლებენ. წინასწარი რეგისტრაცია უკვე დაწყებულია.