ესთეტიკური აღზრდისა და სპორტის კათედრა

შორენა ამირანაშვილი არის მხატვარ-რესტავრატორი და უფროსი მასწავლებელი. დამთავრებული აქვს შოთა რუსთაველის თეატრისა და კინოს სახელმწიფო უნივერსიტეტი. ასევე მხატვრული ქსოვის მიმართულებით მიიღო განათლება მოსე თოიძის სახელობის სამხატვრო ლიცეუმში. თბილისის ქართულ-ამერიკული სკოლის გუნდს შემოუერთდა გახსნის პირველივე დღიდან, მანამდე კი ხელოვნების მასწავლებლად მუშაობდა სხვა კერძო სკოლაში.

კათედრის შესახებ

ესთეტიკური აღზრდის კათედრის მიზანია, განუვითაროს მოსწავლეებს წარმოსახვა, შემოქმედებითი აზროვნება და ემოციური სფერო;

გამოუმუშაოს ხელოვნების ნიმუშებისა და მუსიკის აღქმის, შეფასების, გარემოს შეცნობისა და მისი მხატვრული ასახვის უნარები და ამით ხელი შეუწყოს თვითგამოხატვის განსხვავებული საშუალებებისა და ფორმების დაუფლებას;

დაეხმაროს მოსწავლეებს ხელოვნების უნივერსალური ენის შესწავლასა და მისი საშუალებით ეროვნულ და მსოფლიო კულტურულ ფასეულობებთან ზიარებაში.

სპორტის კათედრის მიზანია, ჩააბას მოსწავლე ფიზიკურ აქტივობებში და ამ გზით შეუწყოს ხელი მის ფიზიკურ განვითარებას;

აუმაღლოს მოსწავლეს ცნობიერება ჯანსაღი ცხოვრების წესის მნიშვნელობასთან დაკავშირებით.